Монгол Улсын иргэн бүр Үндсэн хуулиа дээдэлж, түүний агуулга, үзэл санааг ойлгож, төрийн байгууллага, айл өрх бүр дээдлэн залахыг уриалж, Үндсэн хуулиа сурталчлан таниулах, үзэл санааг нь түгээн дэлгэрүүлэх тухай УИХ-ын тогтоолыг Баянхонгор аймаг хэрэгжүүлж, шинэ үндсэн хуулийн 33 жилийн ойн хүрээнд Нутгийн захиргааны байгууллагад дээдлэн залав.

Үндсэн хуулийг АЗДТГ-ын ТЗУХ-ийн дарга Т.Эрдэнэбат АЗДТГ-ын дарга Д.Энхжаргалд ёсчлон гардуулснаар, Нутгийн захиргааны байгууллагад хүндэтгэн заллаа.

Дээрх тогтоолын хүрээнд,

• Төрийн бүх байгууллага, Монгол Улсаас хилийн чанадад суугаа дипломат төлөөлөгчийн газар Үндсэн хуулийг дээдлэн залах, Үндсэн хуулийн үзэл санаа, улсын тусгаар тогтнол, бүрэн эрхт байдал, хүний эрх, эрх чөлөөний ойлголтыг бүх шатны боловсролын байгууллагын сургалтын агуулгад тусган, түгээн дэлгэрүүлж, тайлбарлан таниулахыг Засгийн газар болон холбогдох бусад төрийн байгууллагад даалгаж

• Иргэн бүр Үндсэн хуулиа судлан мэдэж, айл өрх бүр Үндсэн хуулийг дээдлэн залах, Үндсэн хуулийн үзэл санаа, улсын тусгаар тогтнол, бүрэн эрхт байдал, хүний эрх, эрх чөлөөний ойлголтыг түгээн дэлгэрүүлж, тайлбарлан таниулах, сурталчлахыг хэвлэл мэдээллийн байгууллагад уриалсан юм.