Пүрэвжавын Пүрэвсүрэн-Монгол улсын Соёлын гавьяат зүтгэлтэн, төрийн шагналт зохиолч, яруу найрагч юм.

Тэрээр 1938 оны 2-р сарын 20-нд Баянхонгор аймгийн Баацагаан суманд төрсөн.

1962 онд УБИС-ийг төгссөн. 1958 оноос уран бүтээлээ эхэлсэн бөгөөд "Хүний тухай дууль", "Бүргэдийн дууль", “Гал", "Хүслийн зарлиг”, "Цэцгийн хувь" зэрэг шүлэг, найраглалын ном, "Чин хайрын өргөл" "Уран захидлын хариу", "Зууны цэцэг", "Тавилан" зэрэг туужийн 20 гаруй ном хэвлүүлжээ. "Өшөө", "Шувууны хараал" зэрэг, хүн байгалийн харьцааны тухай өгүүллэгүүд нь уншигчдын таашаал хулээсэн юм.