Баянхонгор аймгийн Бууцагаан сумын оюутан залуучуудын холбооноос жил бүр уламжлал болгон явуулдаг спортын 2 төрөлт тэмцээнийг энэ жил Аймгийн ИТХ-ын төлөөлөгч Б.Энхтүвшин, Б.Батбаяр нарын дэмжлэгтэйгээр Улаанбаатар хотноо 2016 оны 10-р сарын 29, 30 ны өдрүүдэд зохион байгууллаа.  Энэ жил тус тэмцээн уралдаан илүү өргөн хүрээтэйгээр явагдаж Баянхонгор аймгийн Бууцагаан, Баацагаан, Баянбулаг, Баянцагаан, Баян-Өндөр, Бөмбөгөр, Хүрээмарал зэрэг 7 сумдын оюутан залуучууд оролцлоо.

Спортоор дамжуулан сум сумын оюутан залуучууд нэгдэн нийлж танилцан нөхөрлөж, чөлөөт цагаа зөв боловсон үр бүтээлтэй өнгөрүүлэн,  холбоод хоорондын хамтын ажиллагаагаа сайжруулаж чадсанаараа энэ удаагийн спортын тэмцээний онцлогтой байлаа. Тус  тэмцээнийг Б.Энхтүвшин захиралтай Төөгийтакс ТМЗ ХХК, Э.Энхбат захиралтай Чандмань – Баянхонгор ХК, Т.Отгонбаатар захиралтай Баянхонгор эрчим хүч ХК, MICC хөрөнгө оруулалтын кропорацийн дэд ерөнхийлөгч Б.Батбаяр, Ц.Доржсүрэн захиралтай Рокпэйнт групп ХХК, Эзэн тэнгэр трейд ХХК-иуд тус тус ивээн тэтгэн явуулсан байна.

Тэмцээнд давхардсан тоогоор 45 баг оролцосон бөгөөд Гар бөмбөгийн эрэгтэй, эмэгтэй төрөлд Хүрээмарал сумын баг тамирчид түрүүлэн 1-р байр, Сагсан бөмбөгийн эрэгтэй төрөлд Баянбулаг, эмэгтэй төрөлд Баацагаан сумын баг тамирчид түрүүлж 1-р байр эзэлсэн байна. Хурд хүч авхаалж самбаагаараа шалгарсан шилдэг тоглогч нарыг энэ үеэр шалгарууллаа. Гар бөмбөгийн шилдэг тоглогчоор эрэгтэй төрөлд Бууцагаан сумын тамирчин Д.Буянхишиг, эмэгтэй төрөлд Баянцагаан сумын тамирчин А.Алтанцэцэг, Сагсан бөмбөгийн эрэгтэй төрөлд Баянбулаг сумын тамирчин Б.Баярсайхан, эмэгтэй төрөлд Баацагаан сумын Чанцалравдан нар шалгарч шагнагджээ.