Баянхонгорчууд шинэ оны босгон дээр төрийн шагнал хүртсэн хүмүүстээ төрийн одон медалийг гардууллаа. Шагналыг Баянхонгор аймгийн ИТХ-ын дарга Ц.Отгонбаяр, аймгийн Засаг дарга Г.Батжаргал, Засаг даргын орлогч Б.Батсуурь, Засаг даргын зөвлөх Ц.Энхтөрг, аймгийн ИТХ-ын Нарийн бичгийн дарга С.Үнэнбуян нар гардууллаа. 

 

Монгол Улсын Ерөнхийлөгчийн зарилгаар Хөдөлмөрийн гавьяаны Улаан тугийн одонгоор 5 удаа сумын Засаг даргаар сонгогдон ажиллаж буй Эрдэнэцогт сумын Засаг дарга Ц.Төмөрбаатар, Аймгийн ХАА-н хоршоологчдын холбооны тэргүүн Ц.Очирбал, Хонгор дээд сургуулийн үүсгэн байгуулагч Ю.Адъяа, Практикал даатгалын салбарын захирал Б.Бямбаа, Хоршоог дэмжих төвийн захирал Г.Батнасан, ахмад настан Ц.Гунгаа, төрийн ахмад ажилтан, Шинэжинст сумын иргэн Ж.Цэдэнсодном нарыг шагнажээ.

Эрэдэнцогт сумын Засаг дарга нь таван удаа дараалан сумын Засаг даргаар ажиллаж, зургаан удаа дараалан аймгийн ИТХ-д сонгогдсон монгол төрийн хүндтэй хүмүүсийн нэг юм. Улсын хэмжээнд сумын Засаг даргаар тасралтгүй олон жил сонгогдсон гурван хүн байдгийн нэг. Тиймээс аймгийн Засаг дарга Ц.Төмөрбаатарын шагналыг төрөлх суманд нь биечлэн гардуулсан юм. 

 

Аймгийн Засаг даргын дэргэдэх хэвлэл мэдээллийн алба