Жил бүрийн шинэ оны босгон дээр баянхонгорчууд салбар салбарын оны шилдгүүдээ тодруулдаг уламжлалтай. Уг уламжлалын дагуу 2016 оны шилдгүүдээ тодрууллаа.

 

Оны шилдгийг шалгаруулах ёслолын арга хэмжээ аймгийн ХДТ-т өнгөрөгч 12 дугаар сарын 31-нд болов. Тус ёслол хүндэтгэлийн арга хэмжээг нээж аймгийн ИТХ-ын дарга П.Отгонбаяр, аймгийн Засаг дарга Г.Батжаргал нар үг хэллээ. Тэд хэлсэн үгэндээ өмнөх оны амжилтуудаа бататгаж, ирэх ондоо улам бүр хичээн ажиллахын чухлыг онцлоод, бүтээл хөдөлмөрөө төр түмэндээ үнэлүүлж буй нэр бүхий 20 хүнд ажлын амжилт хүслээ.

 

2016 оны шилдэг хүмүүст шагналыг аймгийн ИТХ-ын дарга П.Отгонбаяр, аймгийн Засаг дарга Г.Батжаргал, аймгийн Засаг даргын орлогч Б.Батсуурь, Засаг даргын зөвлөх Ц.Энхтөр, аймгийн ИТХ-ын Нарийн бичгийн дарга С.Үнэнбуян нар гардуулж ажлын амжилт хүслээ.