Баянхонгор аймгийн ИТХ-ын долоо дахь удаагийн сонгуулийн ээлжит  5-р хуралдаан 2017.01.20-ний 10:30 цагаас эхэллээ. ИТХ-ын   41 төлөөлөгчөөс 37 төлөөлөгч оролцож  хурлын хуралдаан  80,5 хувийн ирцтэйгээр эхэллээ.  5-р хуралдааны нарийн бичгийн даргад төлөөлөгч Ц.Энхтөр, Д.Ганбаатар, Ж.Алтанцэцэг нарыг нэр дэвшүүлсэнээс төлөөлөгч  Ж.Алтанцэцэг нэрээ татаж олонхийн саналаар төлөөлөгч Ц.Энхтөр нарийн бичгийн даргаар сонгогдлоо. Ээлжит 5-р хуралдаанаар  ИТХ-ын төлөөлөгчид 2016 оны Засаг даргын үндсэн чиглэлийн хэрэгжилт, 2017 оны төсвийн тодотгол, ИТХ-ын хороодын бүрэлдэхүүнд өөрчлөлт оруулах, Түгээмэл тархацтай ашигт малтмалын жишиг үнийг тогтоох, АЗДТГ-ын баруун жигүүрийг  МАН-ын өмчлөлд шилжүүлэх  хурлын тогтоолыг үргэлжлүүлэн хэлэлцэх , Баянхонгор хотын ерөнхий төлөвлөгөө зэрэг нийт 6 асуудлыг авч хэлэлцэнэ.