Баянхонгор аймгийн Хөгжимт Драмын Театр жил бүр уламжлал болгон зохион байгуулдаг хаврын баяр 2017 цэнгээнт бүжгийн наадам энэ жил  21 дэх жилдээ амжилттай болж байна. Тус наадамд 57 хамтлагийн 450 гаруй бүжигчид авьяасаа сорьж байна

Хүүхэд залуучууд болон байгууллага хамт олны авьяас билгийг нээн илрүүлэх, урлаг гоо зүйн мэдлэгийг олгох, аймаг орон нутгийн хэмжээнд шилдэг бүжигч хамт олныг алдаршуулах, бүжгийн ертөнцөд хэн бүхнийг чөлөөтэй хөл тавих боломжийг нээх зорилготой тус наадам 21 дэх жилдээ зохион байгуулагдаж  байгаа юм. Хүүхдүүддээ урлагаар дамжуулан гоо зүйн боловсрол олгох хүсэлтэй олон эцэг эхчүүд энэ өдөр автомашины цувааг үүсгэн Баянхонгор хотыг бүхэлд нь тойрч ирсэнээр тус баярын нээлтийн арга хэмжээ эхэллээ. Баянхонгор сумын засаг дарга бөгөөд хотын захирагч Ж.Мөнхсоёл бүх насны бүжигчиддээ амжилт хүслээ. Хаврын баря бүжгийн наадам урд жилүүдэд хамтлаг болон шилдэг хосын төрлөөр явагддаг байсан бол хамтлагийн ур чадварыг сорихоор энэ удаагийн баярыг дан хамтлагийн төрөлд явуулж байна. тус бүжгийн наадамд цэцэрлэгийн нас, ЕБС-ийн 1-3-р анги, өсвөр насны 4-7 анги, ахлах насны 8-12 анги, идэр нас буюу залуучуудын гэсэн төрлөөр 4 өдрийн туршид явагдана.  Хаврын баярт  цэцэрлэгийн насны 18 хамтлаг оролцох бол нийт 57 хамтлаг энэ удаагийн уралдаанд авьяас чадвараа сорихнээ.Тус уралдааныг ХДТ-ын мэргэжилийн уран бүтээлчид шүүн явуулах ба бүжиглэх ур чадвар, хамтын зохион байгуулалт, тайзны соёл, хувцаслалт, хөгжим сонголт зэргийг харгалзан дүгнэх юм байна.

Тус арга хэмжээг 21 жил зохион байгуулахад баянхонгор аймгийн үйлдвэрлэгчид, бизнес эрхлэгчид жил бүр дэмждэг ба энэ жил ХАМОДХ ТББ, Сүлдэн тэнгэр хоршоо, номгон мөнх од зэрэг  ААН, хувь хүмүүсүүд ивээн тэтгэн явуулж байна. Хаврын баяр наадмыг 21 жилийн тэртээ анхлан зохион байгуулж байхдаа нийтийн цэнгээнт бүжгээр явуулдаг болсон бол өнөөдөр стандарт, спорт, латин америк, цэнгээнт зэрэг бүжгийн маш олон төрөл зүйлээр баянхонгорын хүүхэд багачууд авьяасаа сорьдог болтлоо энэ наадам  өргөжин хөгжижээ.