Баянхонгор аймгийн, бүтээн байгуулалт хүн хүч шаардлагатай бүх л ажилд гол үүргийг гүйцэтгэсээр ирсэн Барилгын цэргийн 339-р ангийн алба хаагчдын амьдрах нөхцөл тааруу байдаг ба тухайн ангийн захирагч, хурандаа Б.Эрхэмбаяр аймгийн Засаг даргад цэргүүдийн амьдрах байрыг шинэчлэх хүсэлт тавьжээ. Улмаар аймгийн Засаг дарга Г.Батжаргал УИХ-ын гурван гишүүндээ уламжилсан байна. Их хурлын гишүүд ийнхүү хөөцөлдсөнөөр 700 сая төгрөгөөр бариулахаар БХЯ-ны багцад тусгаж чаджээ.