Аймгийн ИТХ-ын  ээлжит 10-р хуралдаан 2018 оны 03-р сарын 05-ны 10:00 цагт ирвэл зохих 41 төлөөлөгчөөс 27 төлөөлөгч оролцож хурлын ирц 68,2 хувьтай эхэллээ.

Ээлжит 10-р хуралдаанаар хурлын төлөөлөгчид
1. Орон нутгийн зам ашиглалтын төлбөрийг шинэчлэн тогтоох

2. Ногоон хөгжлийн хэтийн бодлого гэсэн хоёр үндсэн асуудлыг хэлэлцэж байна.

Ээлжит хуралдааныг нарийн бичгийн даргаар хурлын төлөөлөгч П.Рэнцэнпэлжээ сонгогдсон ба 2017 оны авто зам ашиглалтын тухай шинэ хууль хэрэгжиж эхэлсэнтэй холбогдуулан 2014 онд аймгийн Засаг даргын баталсан 671 тоот захирамжийг хүчингүй болгон улмаар зам ашигласны төлбөрийн хувь хэмжээг шинэчлэн тогтоох шаардлага бий болжээ. Иймээс тус асуудлыг аймгийн ЗДТГ-ын ХЭЗХ-ийн дарга Д.Уранчимэг хуралдаанаар хэлэлцэх эхний асуудал болгон оруулж төлөөлөгчдөд танилцуулж батлууллаа.

Монгол Улсын “Авто замын тухай” хуулийн 30-р зүйл, 30,1 дэх заалтыг үндэслэн  Орон нутгийн чанартай авто замаар зорчиж байгаа аймагт бүртгэлтэй тээврийн хэрэгслээс жилд нэг удаа хөдөлгүүрийн багтаамж, овор хэмжээ, байгаль орчинд үзүүлж буй сөрөг нөлөөг харгалзан Авто зам, замын байгууламж ашигласны төлбөрийн хувь хэмжээг шинэчлэн тогтоож байгаа юм.

Тухайлбал та суудлын тэрэгнийхээ  хөдөлгүүрийн багтаамж, овор хэмжээнээс нь хамаараад авто зам ашигласны төлбөр хуучин өгч байснаасаа илүү  багасгаж төлөх бол ачааны машины даацаас хамаараад харилцан адилгүйгээр төлбөр төлөгдөж байхаар тогтлоо.

Автозамын төлбөрийг хуучин 671 тоот захирамжаар 9 төрлөөр авдаг байсан бол шинэчлэн тогтоохдоо 20 төрлөөр ангилан төлбөрийн хувь хэмжээг илүү тодорхой ойлгомжтой болгож өглөө.

 

Баянхонгор аймагт мөрдөгдөх авто зам ашиглалтын шинэчилсэн төлбөрийн дэлгэрэнгүйг доор хүснэгтээр харууллаа

№	Тээврийн хэрэгслийн ангилал		Хувь хэмжээ
1	Суудлын	2000 см3 хүртэл	15,000
2		2001-3000	30000
3		3001-с дээш	35000
4	Ачааны	1 тн хүртэл	20000
5		1-2 тн хүртэл	25000
6		2-3 тн хүртэл	30000
7		3-5 тн хүртэл	35000
8		5-8 тн хүртэл	40000
9		8-10 тн хүртэл	45000
10		10 тн-с дээш	50000
11	Автобус	15 хүртэл зорчигчтой	30000
12		15-с дээш зорчигчтой	80000
13	Цистерн		50000
14	Тусгай		40000
15	Чиргүүл		30000
16	Механизм	Тээврийн үйлчилгээний	50000
17		Технологийн	50000
18		Бага оврын	30000
19	Мотоцикль Мопед	2 дугуйт	2000
20		3 дугуйт	2000