Баярын хурлыг аймгийн ЗДТГ-ын дарга Ц.Дашцэрэн нээж үг хэлэхдээ хатуужил, тэвсэр тэвчээрийн оргил нь болсон монгол цэргүүдээрээ ямагт бахархаж, эх орон ард түмнийхээ төлөө цагийн цагт зүтгэж ирсэнд нь чин сэтгэлийн талархал дэвшүүлээд Баянхонгор аймгийн тусгайлсан чиг үүрэг бүхий байгууллагуудын бие бүрэлдэхүүнд Зэвсэгт хүчний 97 жилийн ойн баярын халуун мэндийг хүргэлээ.

Аймгийн удирдлагууд Зэвсэгт хүчний 97 жилийн ойд зориулсан энэхүү баярын хурлаар шилдэг тэргүүний алба хаагчид, бие бүрэлдэхүүн болон тэмцээн уралдаанд амжилттай оролцсон төрийн албан хаагчид, иргэдээ цол тэмдэг, төрийн одон медаль, Засгийн газар, аймаг орон нутгийн шагналаар шагнаж амжилт ололтыг нь алдаршууллаа.

Яг одоо Баганат талбайд Зэвсэгт хүчний 97 жил, Монгол цэргийн өдрийн баярын арга хэмжээ тусгайлсан чиг үүрэг бүхий байгууллагуудын нийт бие бүрэлдэхүүн оролцсон баярын жагсаалаар үргэлжилж байна.

Монгол цэргийн сүлд хийморь мөнхөд мандан бадрах болтугай