Баянхонгорт үйлдвэрлэв үзэсгэлэн худалдааны нээлт өнөөдөр хуучнаар Дөвөнтийн зааланд боллоо. Нээлтийн арга хэмжээнд аймгийн ИТХ-ын дарга Ц.Отгонбаяр, ХХҮГ-ын дарга Д.Амарсанаа, Баянхонгор сумын ИТХ-ын дарга Б.Соронзонбаатар нарын албаны төлөөлөл ард иргэд оролцлоо.

Тус арга хэмжээг аймгийн ЗДТГ, ХХҮГ, Политехникийн коллеж, Баянхонгор сумаас хамтран зохион байгуулж байна. 2 өдөр үргэлжлэх үзэсгэлэн худалдаанд үйлдвэрлэгч нар оёдол хатгамал, сийлбэр урлал, сүү, сүүн бүтээгдэхүүн, гар урлал, эсгий эдлэл, тариалсан хүнсний бүх төрлийн ногоо зэрэг бүтээгдэхүүнүүдээ дэлгэж оролцож байна.