Баянхонгор сумын Засаг дарга бөгөөд хотын захирагч Ж.Мөнхсоёлын санаачлагаар “Хүнсний бүтээгдэхүүний сав баглаа боодол, эрүүл ахуй, чанар аюулгүй байдлыг хангах нь тулгамдсан асуудлын нэг мөн” сэдэвт малчид, сүү сүүн бүтээгдэхүүний худалдаа эрхлэгчдийн уулзалт, зөвлөгөөн Баянхонгор аймгийн ЗДТГазрын хурлын зааланд болж байна.

Хэлэлцүүлгийг аймгийн ИТХурлын Дарга Ц.Отгонбаяр нээж үг хэлэв. Тус хэлэлцүүлэгт “Заша Өвс Төв” НҮТББ-ын тэргүүн Р.Нямдорж, Малчин ТВ-ийн сэтгүүлч МУГЗ н.Шагдарсүрэн, аймгийн хүнс хөдөө аж ахуйн газрын дарга Ж..Баттөр болон Баянхонгор сумын ИТХурлын дарга Б.Соронзонбаатар, Засаг даргын орлогч Б.Наранбаяр, , сумын Тамгын газрын холбогдох мэргэжилтнүүд, багийн засаг дарга болон малчид хөдөлмөрчид оролцож байна. Мөн тус үйл ажиллагаанд Өлзийт, Баян-Овоо, Эрдэнэцогт, Бөмбөгөр зэрэг сумдаас малчид зорьж иржээ.