Баянхонгор аймгийн Нэгдсэн эмнэлэг нь ЭМЯ, Халдварт өвчин судлалын үндэсний төвийн санхүүжилтээр 200 сая төгрөгийн өртөг бүхий АНУ-д үйлдвэрлэгдсэн хамгийн сүүлийн үеийн загварын иж бүрэн зөөврийн рентген аппараттай болоод байна.

Тус рентген аппаратыг хаашаа ч зөөвөрлөж болох ба доороо явагч дугуйтай, компьютер, дэлгэц, үйлдэл зэрэг нь хамгийн сүүлийн үеийн ухаалаг шийдлээр хийгджээ. Тархи толгой, үе мөч, бүх төрлийн ясны хугарал зэргийг нарийвчлан харах тус аппаратыг НЭ-ийн эмч мэргэжилтнүүд өнөөдөр бүх нийтийн эрүүл мэндийн урьдчилан сэргийлэх үзлэг оношлогоондоо ашиглан олон олон иргэдийн өвдөлт зовиурыг тодорхойлж оношилж байна.