Засаг дарга Г.Батжаргал албаа нэр төртэй хаасан хонгор нутгийн цэргүүддээ чин сэтгэлийн талархал дэвшүүлээд төрөлх нутгийнхаа хөгжил цэцэглэлт, сайн сайхны төлөөх үйлсэд гар сэтгэл нэгдэн ажиллахыг хүслээ.

Хэдийгээр цэргийн алба хаасан ч гэсэн эдгээр залуучууд маань эх орныхоо амар тайван, аюулгүй дархан байдал, энх цагийн бүтээн байгуулалтад оролцоход бэлхэн байх бэлтгэл үүрэгтнүүд байх юм. Тиймээс цэргийн албанд хат суусан залуучуудынхаа ирээдүйг харж дэмжсэн угталыг баянхонгор аймаг 2016 оноос хойш явуулж байгаа юм. Энэ үеэр аймгийн НДХ, ХХҮГ, БСУГ, Политехникийн коллежийн дэргэдэх ажил мэргэжлийн чиг баримжаа олгох төвөөс тодорхой мэдээлэл танилцуулгыг хийж зарим залуусыг ажилд зуучлах үйлчилгээ үзүүлдэг юм.

Ийнхүү хугацаат цэргийн албаа нэр төртэй хаасан хонгор нутгийн залууст аймгийн Засаг дарга Г.Батжаргал, Цэргийн штабын дарга хурандаа Б.Энхбаатар, бэлтгэл хурандаа Д.Жаргалсайхан нар холбогдох бичиг баримтыг нь дурсамжийн хамт хүндэтгэлтэйгээ гардууллаа.