УИХ-ын гишүүн Л.Элдэв-Очирын урилгаар Монголын анхны олон улсын магадлан итгэмжлэгдсэн ИНТЕРМЭД эмнэлгийн шилдэг эмч нар аймгийн төвийн 3, 5, 6-р багийн ард иргэдэд эрүүл мэндийн үзлэг оношлогоог 09-р сарын 13-14-ны өдрүүдэд үнэ төлбөргүй явуулж байна.

Эрүүл мэндийн үзлэгийн хүрээнд дотор, эмэгтэйчүүд, мэс засал, дүрс оношлогооны /эхо/ зэрэг нарийн мэргэжлийн эмч нар үзлэг оношлогоогоо явуулж , ард иргэдээс түргэвчилсэн 10 нэр төрлийн шинжилгээг нэг доор авч хариуг яаралтайгаар гаргаж байгаа юм.

Хүнд архаг, суурь өвчтэй олон хүмүүс хандаж байгаа бол  өвчнөө шинээр оношлуулж байгаа нилээд  иргэд  үзлэгийн явцад гарч ирж  байгааг үзлэгийн эмч нар ярьж байна. 

Интермэд эмнэлгийн эмч нарын багийн энэхүү үзлэг оношлогоо  09-р сарын 15-20-ны хооронд хангайн сумдад тодорхой хуваарийн дагуу үргэлжлэн явагдах юм.