10-р сарын 31-нд Богд сумын эмнэлэгт 30 настай С.У нь маш их өвдөлттэй шокын байдалтай хүргэгдэн ирж А.Цэцэгбадам эмчээр ахлуулсан сум дундын эмнэлгийн эмч сувилагчид умайн гадуурх жирэмслэлт гэж оношлон өвчтөний амь насанд эрсдэл үүсээд байгаа тухайд аймгийн НЭ-рүү яаралтай дуудлага илгээжээ. Аймгийн НЭ-ийн Төрөх эмэгтэйчүүдийн тасгийн Зөвлөх эмч Б.Мөнхжаргалаар ахлуулсан хагалгааны баг тухайн өдрийн 18:00 цагт Богд суманд очиж цаг алдалгүй хагалгааг шууд эхлүүлсэнээр өвчтөний амь насыг аварч чаджээ.