Коронавирусний халдвар /COVID-19/-аас урьдчилан сэргийлэх ажил болон аймгийн хэмжээнд зудын эрсдэл үүсээд байгаа нөхцөл байдалтай холбогдуулан аймгийн Засаг дарга уриалга гаргасан. Уриалгыг дэмжин аймгийн Цагдаагийн газраас 25 тонн гурил, 10 тонн будаа, УЦУОША-наас 2.5 тонн гурил, 0.5 тонн будааг аймгийн нөөцөд хандивлахаар болжээ. Сайн санааны үйлсийн түүчээ болж Наранмандал ХК зургаан сая, Шаргалжуут рашаан сувилал 20 сая төгрөгийг хандивласан талаар бид мэдээлсэн. Тэгвэл орон нутгийнхаа гамшгаас хамгаалах үйл ажиллагаанд дэмжлэг үзүүлэхийг хүссэн хэн бүр аймгийн Онцгой комисст хандах, Төрийн сангийн 100030031402 тоот дансанд шилжүүлэг хийх боломжтой.