Баянхонгор аймгийн 2020-2021 оны өвөлжилт, хаваржилтыг даван туулахад бодлого аргазүйгээр хангах, удирдан зохион байгуулах ажлын баг байгуулав.

Аймгийн Засаг даргын захирамжаар Засаг даргын орлогч Б.Батсууриар ахлуулсан ажлын баг сумдтай цахимаар холбогдож, нөхцөл байдлын талаар мэдээлэл авч, зөвлөмж хүргүүлэн, ажлын төлөвлөгөөгөө гаргасан байна.

Ажлын багийн бүрэлдэхүүнд салбар бүрийн оролцоог хангаж гишүүдийг оролцуулжээ.

Эхний байдлаар тус ажлын баг ирэх оны зургадугаар сарын нэгэн хүртэл цаг зудыг аль болох эрсдэл багатай даван туулах аймгийн ерөнхий төлөвлөгөөг боловсруулж байна. Тус төлөвлөгөөг сумдад хүргэж, үүнтэй уялдуулан сумд өөрсдийн нөхцөл байдлаа тодорхойлон, хэрхэн ажиллах талаар төлөвлөгөө гарган хэрэгжүүлж ажиллах юм.