Хот хоорондын ачаа тээвэрлэлтийн үнэ тарифтай холбоотой иргэдээс ирсэн гомдол, саналын дагуу 2021 оны 1 дүгээр сарын 21-ний өдөр үнийн тарифыг аймгийн Авто тээврийн төвөөс баталлаа. 

Энэ дагуу Баянхонгор-Улаанбаатар-Баянхонгор аймгийн чиглэлд ачаа тээвэрлэхэд нэг ширхэгийн үнэ хэмжээнээсаа хамаарч 5-30 мянган төгрөг, тонноор тээвэрлэх тохиолдолд тухайн барааны зэрэглэлээс хамаарч 100-120 мянган төгрөг байхаар тогтоожээ. Автотээврийн тухай хуулийн 6 дугаар зүйлийн 6.1.7 дахь заалт, “Зам тээврийн хөгжлийн сайд”-ын 2019 оны 12 дугаар сарын 13-ны өдрийн 374–р тушаал ачаа, зорчигч тээвэрлэлтийн жишиг тарифыг үндэслэн дээрх дүнг баримтлах аж. 

 

Хэрэв тогтоосноос илүү үнэ хөлс нэхвэл тухайн жолоочийн нэр, автомашины дугаарыг нотлох баримтын хамт Автотээврийн төвд мэдээлж, гомдол гаргах эрх иргэн танд нээлттэй.