Баянхонгор аймгийн Засаг дарга Д.Мөнхсайхан энэ сарын 26-нд аймгийн Нэгдсэн эмнэлгийн Төрөх тасгийн үйл ажиллагаатай танилцаж, эхчүүдийн амрах байрыг жишиг байдлаар шинэчлэн засварлаж, тохижуулж өгөхөөр шийдвэрлэлээ.

 

Төрөх тасаг биеийн байдлын улмаас заавал нарийн мэргэжлийн эмч нарын хяналтад байлгаж төрүүлэх ёстой жирэмсэн эхчүүдээ уг байрандаа авдаг байна. Жирэмсэн эхчүүд амрах байранд 15 хоногоос дээш хугацаанд хэвтдэг бөгөөд амьдрах орчны хувьд нэн хүндрэлтэй байдаг талаар тасгийн эмч мэргэжилтнүүд танилцуулсан.

Тодруулбал, эхчүүдийн амрах байр нь стандарт бус шийдэлтэй, орчин нөхцөл, тохижилт тааруу, усанд орох душгүй, бие засах өрөөний асуудал хүндрэлтэй байдаг байна.