УИХ-ын дарга 2021 оны 2 дугаар сарын 3,4-ний өдөр Баянхонгор аймагт ажилласан. Энэ үеэрээ өөрийн цахим хуудсандаа "Баянхонгорт аймгийн төвийн иргэд малчдынхаа 10.000 гаруй нэг наст малыг тэжээж, онд оруулж байна. Зудын эрсдэлийг гарз хохирол багатай давахын тулд малчидтайгаа ХҮЧЭЭ НЭГТГЭЖ байгаад талархъя.

Хашаандаа хурга ишиг тэжээж, бүр таван ханатай гэрээ хүртэл суллаад, бууц дэвсэж, малаа хотлуулж байна.

Ингэхдээ байгууллагын удирдлагын унаа машин, шатахуун зэрэг зардлыг хэмнэн, мал маллаж байгаа хүмүүстээ цалин урамшуулал болгон олгож байгаа нь зөв шийдэл болжээ" хэмээн нийтлэжээ.