Аймгийн Засаг даргын 2025 оны А/145 дугаар захирамжаар байгуулагдсан “Хонгорын хүүхэд” хөтөлбөр боловсруулах ажлын хэсэг 2025 оны 06 дугаар сарын 05-ны өдөр хуралдаж, хөтөлбөрийн төслийг эцэслэн хэлэлцлээ.

Тус хөтөлбөрийг боловсруулах ажлын хэсэг Ерөнхий боловсролын сургуулийн багш, Эрүүл мэндийн салбарын ажилтан, төрийн албан хаагч, эцэг эх, асран хамгаалагч, хүүхдийн төлөөлөл зэрэг 470 гаруй хүнд шат дараалсан хэлэлцүүлэг, уулзалт зохион байгуулсан байна.

Мөн насанд хүрэгчдийн дунд явуулсан судалгаанд нийт 2,254 иргэн хамрагдсан нь хөтөлбөрийг олон нийтийн оролцоонд тулгуурлан боловсруулсныг илтгэнэ.

Энэхүү хөтөлбөр нь Эрүүл, Эрдэм боловсролтой, Энэрэнгүй “Хонгорын хүүхэд”-ийг хөгжүүлж, төлөвшүүлэх зорилготой бөгөөд орон нутгийн иргэд, мэргэжлийн байгууллагуудын санал бодлыг тусган боловсруулагдсан юм.

Хөтөлбөрийг аймгийн Иргэдийн Төлөөлөгчдийн Хурлын дараагийн хуралдаанаар хэлэлцэн батлах төлөвтэй байна.