Монгол Улсад нотариатын байгууллага үүсэж хөгжсөний 100 жилийн ойн баярын хүрээнд Баянхонгор аймгийн Засаг дарга Д.Мөнхсайхан Монгол Улсын нотариатын танхимын Баянхонгор аймаг дахь салбарын хамт олонг хүлээн авч уулзан, хүндэтгэл үзүүлэв.

Засаг дарга Төрийн нэрийн өмнөөс хууль зүйн баталгааг бүрдүүлж, үнэн бодит байдлыг нотлон, гэрчлэх хөндлөнгийн чиг үүргийг нэр төртэйгөөр биелүүлж, иргэдийн эрх ашгийг хамгаалах, эрх зүйн зөрчил маргаанаас урьдчилан сэргийлэх, хууль зүйн зөвлөгөө мэдээллээр дэмжлэг үзүүлэн хуульд нийцүүлэн баталгаажуулах их үүргийг нэр төртэй биелүүлж ирсэн Монгол Улсын Гавьяат хуульч Д.Эрдэнэханд нарын хамт олонд талархал илэрхийлэн, амжилт хүсэв.

Энэ үеэр Баянхонгор аймаг дахь танхимын дарга Б.Цацалсүрэнд "Аймгийн тэргүүний ажилтан" цол тэмдгийг гардууллаа.

Уулзалтад аймгийн Засаг даргын зөвлөх Д.Ууганцэцэг, АЗДТГ-ын Хууль, эрх зүйн хэлтсийн дарга Д.Сарангарав, Архивын тасгийн дарга В.Эрдэнэчимэг нар оролцож нотариачдад баяр хүргэв.