Цэргийн гавьяаны улаан тугийн одонт Зэвсэгт хүчний 256 дугаар ангийн сургалтын төвд “Оюутан цэрэг-2025” цэргийн мэргэжил эзэмшүүлэх эрчимжүүлсэн сургалт амжилттай явагдаж дууслаа.

Эрдмийн ширээнээс эр цэргийн албанд мордсон дайчид эх орондоо үнэнчийн баталгаа болсон эр цэргийн Тангарагаа өргөлөө.

Тангараг өргөх ёслолын ажиллагаанд Өвөрхангай, Баянхонгор, Архангай аймгуудын ЗДТГ-ын Цэргийн штаб, ар гэрийн төлөөлөл оролцлоо.

Цэргийн мэргэжил эзэмших явцдаа бусдыгаа манлайлан албаа хаасан зарим цэргийн алба хаагчдад түрүүч, дэд түрүүч цол, “Онц сурлагатан”, “Онц буудагч”, “Тамирчин дайчин” болон хүндэт өргөмжлөлөөр шагнагдав.

Энэ үеэр оюутан цэргүүд ар гэрийнхэндээ гардан тулаан, жагсаалын үзүүлэх тоглолт, гимнастикийн үзүүлбэр, жижиг бүлгийн байлдааны ажиллагааны хувилбар болон урлагийн тоглолтоо үзүүлж сонирхууллаа.