Баянхонгор аймгийн Онцгой комисс VI хурлаа өнөөдөр /2025.07.22/ зохион байгуулж, цаг үеийн шинж чанартай 10 асуудал авч хэлэлцэв.

Хурлаар хэлэлцээд:

1.Улаан бурхан өвчний нөхцөл байдал, тандалт дархлаажуулалт, урьдчилан сэргийлэх, дэгдэлтийн үеийн хариу арга хэмжээг 9 дүгээр сараас өмнө шуурхай зохион байгуулж сургууль цэцэрлэгийн үйл ажиллагаа эхлэх бэлэн байдлыг хангах

2.2025 оны 7, 8 дугаар сарын цаг агаарын төлөв байдлаар олон жилийн дунджаас хур бороо элбэгтэй байх тул болзошгүй хүчтэй нөөлгө салхи, түр зуурын аадар борооны аюулт үзэгдэл, үер, усны аюулаас урьдчилан сэргийлэх хүч хэрэгслийн бэлэн байдлыг хангах

3. 2025-2026 оны өвөлжилтийн бэлтгэл ажил хангахтай холбогдуулан Хөдөө аж ахуйн салбарт өвс тэжээлийн нөөц бэлтгэх ажлыг эртнээс зохион байгуулах, төлөвлөх мөн төв суурин газрын барилга байгууламж, цахилгаан эрчим хүч, дулааны шугам сүлжээний засвар үйлчилгээг дулааны улиралд багтаан дуусгаж,бэлтгэл бэлэн байдлыг хангах шийдвэрийг гаргаж хэрэгжилтийг хангаж ажиллахыг аймгийн Онцгой комиссын гишүүд, сумдын Засаг дарга болон аж ахуйн нэгж, байгууллагын удирдлагуудад чиглэл болгов.