Хичээлийн шинэ жил эхлэж буйтай холбогдуулан Аймгийн Засаг даргын Тамгын газрын 2025 оны 08 дугаар сарын 25-ны өдрийн 45 дугаар удирдамжаар АЗДТГ-ын Хууль, эрх зүйн хэлтэс, Нийгмийн бодлогын хэлтэс, аймгийн Цагдаагийн газрын Замын цагдаагийн тасаг, Авто тээврийн төв, Аймгийн хүүхдийн зөвлөл хамтран Такси үйлчилгээ эрхлэгч иргэдэд “Такси үйлчилгээнд дэхь хүүхдийн эрх ба бидний оролцоо” сэдэвт сургалт, уулзалтыг 2025 оны 08 дугаар сарын 28-ны өдөр зохион байгуулж ажиллалаа. Тодруулбал: Хэрэглэгчийн эрхийн зөрчлөөс урьдчилан сэргийлэх зорилгоор таксигаар үйлчлүүлдэг сурагчдаас судалгаа авч судалгаанд үндэслэн Хүүхдийн эрхийн зөрчил, хөдөлгөөний аюулгүй байдлын эсрэг гэмт хэрэг зөрчлөөс урьдчилан сэргийлэх эрх зүйн мэдлэг ойлголтыг нэмэгдүүлэх зорилгоор дээрх сургалтыг зохион байгуулж сургалт, уулзалтаар дараах асуудлыг хэлэлцэж шийдвэрлэв.

Үүнд: 1. Хэрэглэгчээс ирүүлсэн санал хүсэлт, Хүүхдийн зөвлөлөөс гаргасан саналын хүрээнд Такси үйлчилгээ эрхлэгч иргэн, аж ахуйн нэгж нь ТАХI-гэсэн тусгай таних тэмдгийг тээврийн хэрэгсэлдээ байршуулах

2. Такси үйлчилгээний үнэ тарифын талаарх мэдээллийг машин дотор байршуулах

3.Үйлчилүүлэгч хүүхдүүдэд хүндэтгэлтэй хандаж соёлтой, зөв боловсон үйлчилгээг үзүүлж хэвших гэсэн дээрх асуудлыг шийдвэрлэхээр такси үйлчилгээ эрхлэгч аж ахуйн нэгжийн төлөөлөл амлалт өгч шийдэлд хүрсэн байна. Сургалтад такси үйлчилгээ эрхлэгч Аяны алтан жолоо, Нарны сүүн зам аж ахуйн нэгжийн төлөөлөл хамрагдсан байна.