Төрийн албаны тухай хууль, Төрийн албаны ерөнхий шалгалт өгөх болзол, журмын холбогдох зүйл, заалтыг үндэслэн Төрийн албаны зөвлөлөөс шалгалтын 2025 оны хуваарийг баталж, улирал бүр улс орон даяар зохион байгуулж байна.

Энэ оны гуравдугаар улирлын Төрийн албаны ерөнхий шалгалт батлагдсан хуваарийн дагуу 9 дүгээр сарын 17-20-ны өдрүүдэд зохион байгуулахаар улс орон даяар өнөөдөр /2025.09.17/ эхэллээ.

Баянхонгор аймагт 2025 оны нэг, хоёрдугаар улиралд 221 иргэн бүртгүүлснээс шалгалтад 178 иргэн шалгалт өгч, 64 иргэн тэнцэн Төрийн албаны ерөнхий нөөцөд бүртгэгдсэн байна.

Баянхонгор аймагт 2025 оны 3 дугаар улирлын Төрийн албаны ерөнхий шалгалт өгөхөөр 91 иргэн бүртгүүлсэн ба өнөөдөр /2025.09.17/ 5 ээлжээр шалгалтыг авах юм.