Улс төрийн хилс хэрэгт хэлмэгдэгчдийн дурсгалыг хүндэтгэх өдөр өнөөдөр тохиож байна. Улс төрийн хэлмэгдүүлэлт өргөн хүрээтэй, нийтийг хамарсан 1937 оны есдүгээр сарын 10-ны өдрөөр төлөөлүүлэн амь насаа алдсан хэлмэгдэгсдийн дурсгалыг хүндэтгэн мөнхжүүлэх, санан дурсах зорилгоор УИХ-аас 1996 онд тогтоол баталсан юм.

Дээрх тогтоолд заасны дагуу жил бүрийн энэ өдрийг Улс төрийн хилс хэрэгт хэлмэгдэгчдийн дурсгалыг хүндэтгэх өдөр болгон ёслолын арга хэмжээ зохион байгуулдаг болсон билээ.

Баянхонгор аймгийн ИТХ, ЗДТГ-ын удирдлага, албан хаагчид Хэлмэгдэгчдийн хөшөөнд цэцэг өргөж, улс төрийн хилс хэрэгт хэлмэгдэгчдэд хүндэтгэл үзүүллээ.