Төрийн албаны тухай хуульд заасны дагуу төрийн жинхэнэ албаны нөөцийг бүрдүүлэх зорилгоор ерөнхий шалгалтыг улирал бүр зохион байгуулдаг. Өнөөдөр /2025.11.12/ энэ оны 4 дүгээр улирлын ерөнхий шалгалт батлагдсан хуваариар орон даяар нэгэн зэрэг эхэллээ.

Баянхонгор аймагт 2025 оны 1-3 дугаар улиралд 312 иргэн бүртгүүлснээс 245 иргэн ерөнхий шалгалтад орж, 91 иргэн тэнцэн Төрийн албаны ерөнхий нөөцөд бүртгэгдсэн бол энэ удаад 68 иргэн бүртгүүлснээс 50 иргэн шалгалтад орж, 18 иргэн тэнцэж, нийтдээ Баянхонгор аймагт төрийн жинхэнэ албаны ерөнхий нөөцөд 109 иргэний нөөц бүрдлээ.