Монгол Улсын урт болон дунд хугацааны бодлогын баримт бичгүүдийг сурталчлан таниулах, тэдгээртэй уялдуулан орон нутгийн хөгжлийн бодлого, хөрөнгө оруулалтыг үр дүнтэй төлөвлөх, төсвийн хөрөнгө оруулалтын үр өгөөжийг нэмэгдүүлэх зорилгоор Бүс, орон нутгийн хөрөнгө оруулалт, бодлого, төлөвлөлтийн хэлтсээс холбогдох мэргэжлийн байгууллагуудтай хамтран сумдын удирдлага, холбогдох албан тушаалтнуудыг чадавхжуулах сургалтыг өнөөдрөөс эхлүүллээ.

10 сарын 27-31-ний өдрүүдэд бүсчилсэн хэлбэрээр орон нутгийн хөгжлийн төв, сумдад зохион байгуулах тус сургалтад сумдын ИТХ-ын дарга, Засаг дарга, ЗДТГ-ын дарга, Санхүүгийн алба, ХАА-н тасаг, газрын даамал, байгаль орчны улсын байцаагч, холбогдох мэргэжилтнүүд хамрагдах юм.