Хэрэглэгч нь интернетээр бараа, үйлчилгээг худалдан авах, захиалга хийх явцдаа цахим орчинд үйлдэгдэж буй залилах гэмт хэргийн хохирогч болсоор байна. Иймд хууль, тогтоомжийг иргэд, олон нийтэд сурталчлан таниулах, Хүний эрхийг хангах, Хэрэглэгчийн эрхийг хамгаалах, цахим худалдаанаас үүдэлтэй залилах гэмт хэргийн хохирогч болохоос урьдчилан сэргийлэх зорилгоор “Бид залилуулахгүй ээ” аяны хүрээнд АЗДТГ-ын ХЭЗХ, Цагдаагийн газар, Прокурорын газар, Төрийн цахим үйлчилгээний хэлтэс, сумын ЗДТГ-ууд хамтран /2025.10.22/ “Цахим худалдаа ба залилан” сэдэвт сургалтыг төрийн албан хаагчдын дунд зохион байгууллаа.

Цахим орчин дахь Залилах гэмт хэрэг, Цахим худалдаа ба Залилан, Хувийн мэдээлэл хамгаалах арга зам, сүүлийн 2 жилд аймгийн хэмжээнд гарсан залилах гэмт хэргийн нөхцөл байдал, цахим хэрэглээ сэдвүүдээр холбогдох байгууллагуудаас сургалт өгч, төрийн албан хаагчдыг залилах төрлийн гэмт хэргийн хохирогч болохгүй байхад анхаарах, зохих шатны мэдлэг мэдээлэлтэй болголоо.