НҮБ-ын “UNFICYP” энхийг сахиулах ажиллагааны Кипр Улс дахь цэргийн хүчний командлагчаар шалгаран, хоёр жил гаруйн хугацаанд олон сорилтуудыг даван, амжилттайгаар үүрэг гүйцэтгэсэн Баянхонгор аймгийн харьяат, Монгол Улсын Зэвсэгт хүчний хошууч генерал Б.Эрдэнэбат 02 сарын 09-ний өдөр эх орондоо ирсэн юм.

Тэрбээр Гал морин жилийн сар шинийн өдрүүдээр төрөлх нутагтаа золголт хийх үеэрээ аймгийн Засаг дарга Э.Энхбаттай уулзан, Кипрт хаагдаж буй Энхийг сахиулах ажиллагаанд Монгол Улсын Зэвсэгт хүчний анхны Цэргийн хүчний командлагчаар ажилласан тухай илэрхийлэл бүхий 43 орны далбаатай хүндэтгэлээ гардуулав.

Энхийг сахиулах ажиллагааны хүрээнд эх орон, төрөлх нутаг орныхоо нэрийг Олон улсын түвшинд амжилттай гарган, Монгол цэргийн сүр жавхааг бахархалтайгаар сурталчилсан хошууч Генерал Б.Эрдэнэбатад Баянхонгор аймгийн Засаг дарга Э.Энхбат талархал илэрхийлээд, шинийн 11-нд Улаанбаатар хотод Монгол бөхийн өргөөнд болох нутгийн нэгдсэн золголтод албан ёсоор урилаа.