Баянхонгор аймгийн ИТХ-ын дарга Б.Батсуурь, Засаг дарга Э.Энхбат нар Улаанбаатар хот дахь Баянхонгор аймгийн хоёр нутгийн зөвлөлийн тэргүүн, сумдын нутгийн зөвлөлийн тэргүүн, тэргүүлэгч нарын дунд нутгийн зөвлөлийг нэгтгэх асуудлаар албан уулзалтыг энэ сарын 26-нд Улаанбаатар хотод хийлээ.

1. Улмаар нэгэн дор хэлэлцэн зөвлөлдсөнөөр нэг нутгийн зөвлөлтэй байхаар нутгийн зөвлөлийнхөн санал нэгдлээ.

2. Нэгдэн нийлсэн нутгийн зөвлөлийг Аж үйлдвэр, эрдэс баялагийн дэд сайд Бэгзсүрэнгийн Энхтүвшин тэргүүлэхээр сумдын нутгийн зөвлөл нэрийг дэвшүүлж, оролцогчдын 100 хувийн саналаар тэргүүнээр сонгов.

Ийнхүү Хонгорчууд хоёр нутгийн зөвлөлд хуваагдалгүй, нэг зөвлөлийн удирдлага дор үйл ажиллагаагаа идэвхжүүлэн, өргөн цар хүрээнд ажил арга хэмжээгээ зохион байгуулахаар шийдвэрлэлээ.

Нутгийн зөвлөлийн үйл ажиллагааг тус бүрдээ хариуцан олон жил авч явж байсан Д.Очирбат, Ш.Алтанбагана нарт талархал илэрхийлье.

Эвлэлдэн нэгдсэн нутгийн зөвлөлийн үйл ажиллагаанд амжилт хүсье.