АЙМГИЙН ОНЦГОЙ КОМИСС ХУРАЛДАВ

Баянхонгор аймгийн Онцгой комисс өнөөдөр /2026.03.16/ 09:00 цагт шуурхай хуралдав.

Баянхонгор аймгийн Богд, Жинст, Баянлиг, Галуут, Бууцагаан, сумдад малын гоц халдварт Шүлхий өвчин илэрсэн байж болзошгүй дуудлагын хүрээнд сумдын Онцгой комисс, аймгийн МЭГ-аас үзлэг тандалт хийхэд хуурамч мэдээлэл байсан нь тогтоогджээ. Гэвч бусад бүс нутгуудад малын гоц халдварт өвчин гарч буй энэ цаг үед яаралтай урьдчилан сэргийлэх арга хэмжээ авах, мэргэжлийн байгууллаг сумд хоорондоо уялдаа холбоогоо ханган, хамтран ажиллах шаардлагатайг хуралдааны өмнө аймгийн Засаг дарга бөгөөд Онцгой комиссын дарга Э.Энхбат анхааруулав.

Хурлаар цаг үеийн шинж чанартай гурван асуудлыг хэлэлцээд дараах шийдвэрийг гаргалаа.

1. Хөрш зэргэлдээ аймаг болон бүс нутгуудад гарч буй малын гоц халдварт Шүлхий өвчин, Боом өвчнөөс урьдчилан сэргийлж, ногоон бүс нутаг статусаа хамгаалах

2. Малчдыг малын гоц халдварт өвчнөөс урьдчилан сэргийлэх чиглэлээр мэдээ мэдээллээр хангахад мэргэжлийн байгууллагууд сумдын Онцгой комисстой хамтран ажиллах

3. Сумдын Онцгой комиссууд хоорондоо мэдээллийн харилцан уялдааг бий болгон шуурхай ажиллах

4. Малын шилжилт хөдөлгөөнд онцгой хяналт тавих

5. Зарим байгууллагуудад үйл ажиллагаа явуулахад шаардагдах шатахууны дэмжлэг үзүүлэхээр тус тус шийдвэрлэв.