Хүүхэд, гэр бүлд ээлтэй, аюулгүй, тав тухтай, нууцлал хангасан, сэтгэлзүйн тайвшрал бий болгох орчинг бүрдүүлж, үйлчилгээний чанар, үр дүнг сайжруулах зорилгоор аймгийн Гэмт хэргээс урьдчилсан сэргийлэх ажлыг зохицуулах салбар зөвлөл, Баянхонгор сумын Гэмт хэргээс урьдчилсан сэргийлэх ажлыг зохицуулах зөвлөлийн санхүүгийн дэмжлэгээр Аймгийн Засаг даргын Тамгын газрын Нийгмийн бодлогын хэлтэс, Хүүхэд гэр бүлийн хөгжил хамгааллын газар, Угалз 4-р багийн ажлын алба хамтран “Гэр бүлд зөвлөгөө өгөх өрөө”-г тохижуулан 2026 оны 04 дүгээр сарын 13-ны өдөр нээлтээ хийлээ.

Нээлтийн үйл ажиллагаанд аймгийн Иргэдийн Төлөөлөгчдийн хурлын нарийн бичгийн дарга Д.Энхжаргал, Засаг даргын зөвлөх Д.Ууганцэцэг, Нийгмийн бодлогын хэлтсийн дарга В.Наранчимэг, Хүүхэд гэр бүлийн хөгжил хамгааллын газрын дарга Н.Мэндбаяр, Баянхонгор сумын Засаг дарга М.Насанбат, Баянхонгор сумын Иргэдийн Төлөөлөгчдийн Хурлын нарийн бичгийн дарга н.Бямбасүрэн нар оролцон амжилт хүсэж, мэндчилгээ дэвшүүллээ.

Иргэн бүрд “Гэр бүлд зөвлөгөө өгөх өрөө”-ний үүд хаалга нээлттэй үйлчилгээ үзүүлэх тул Угалз 4-р багийн иргэд та бүхнийг өргөнөөр үйлчлүүлэхийг урьж байна.