2026 ОНД 6 СУМАНД ТӨРИЙН АЛБАН ХААГЧДЫН ОРОН СУУЦ АШИГЛАЛТАД ОРНО

Орон нутгийн 2025 - 2026 оны төсвийн хөрөнгө оруулалтаар Баянхонгор аймгийн Эрдэнэцогт, Галуут, Баян-Овоо, Баянцагаан, Шинэжинст, Богд сумдад Төрийн албан хаагчдын орон сууцны барилга баригдаж байна.

Аймгийн зүгээс сумын төвүүдэд инженерийн дэд бүтцэд бүрэн холбогдсон нийтийн орон сууцыг барих ажлыг үе шаттай хэрэгжүүлэх бодлогыг баримталж буй бөгөөд тухайн сумын газар зохион байгуулалтын төлөвлөгөө, хөгжлийн Ерөнхий төлөвлөгөөний дагуу төлөвлөн ажиллаж байна.

Төрийн албан хаагчдын орон сууц сумдад баригдсанаар албан хаагчид сумандаа тогтвор суурьшилтай, гэр бүлээрээ тохь тухтай амьдрах боломж бүрдэх юм.