2026 оны 07 сарын 01-нд болсон Баянхонгор аймгийн ИТХ-ын ээлжит хуралдаанаар Түйн голын постыг /төлбөр хураах цэг/ нүүлгэн шилжүүлэх тухай асуудлыг хэлэлцэн шийдвэрлэж, хурлын тогтоолоор эрх зүйн баримт бичиг албажсан.

Тогтоолыг үндэслэн АЗДТГ-ын БОНХОБТХ-ээс холбогдох мэргэжлийн байгууллагуудтай хамтран шилжүүлэх цэгийг Өлзийтийн хөтөл орчимд байхаар тооцож, холбогдох баримт бичиг, нөхцөл байдлын судалгаа мэдээлэл, саналыг Зам тээврийн яам, Зам тээврийн хөгжлийн төв рүү 07 сард илгээсэн байна.

Харьяа яам, газраас зөвшөөрөл ирснээр нүүлгэн шилжүүлэх тухай асуудал шийдэгдэх болно.