Монгол Улсын Засгийн газрын тогтоолын дагуу Баянхонгор аймагт түүхт 85 жилийн ойгоо 2026 оны 07 сарын 24, 25, 26-ны өдөр зохион байгуулж байна.

Төв халхын өв соёл, зан заншил, түүх агуулгыг харуулсан түүхт 85 жилийн ойн баяр наадмын нээлт Цэнгэлдэх хүрээлэнд ёслол төгөлдөр болж баяр наадмыг нээж Баянхонгор аймгийн Засаг дарга Э.Энхбат үг хэллээ. УИХ-ын дарга, Ерөнхий сайд асан Г.Занданшатарын мэндчилгээг аймгийн ИТХ-ын дарга Б.Батсуурь уншиж сонордуулав.

Нээлтийн ёслолд Монгол Улсын Ерөнхийлөгч асан, УИХ-ын гишүүн Х.Баттулга, УИХ-ын гишүүн, Гадаад харилцааны сайд Б.Батцэцэг, , УИХ-ын гишүүн Д.Жаргалсайхан, УИХ-ын гишүүн Д.Цогтбаатар, УИХ-ын гишүүн О.Алтангэрэл, УИХ-ын гишүүн П.Мөнхтулга, НҮБ-ын Хүүхдийн Сангийн Монгол Улс дахь Суурин төлөөлөгч Беате Дастел, "Чингис хаан баялагийн сан" нэгдлийн гүйцэтгэх захирал Б.Даваадалай, “Эрдэнэс Критикал Минералс” ТӨҮГ-ын гүйцэтгэх захирал Д.Мөнхсайхан нарын хүндэт зочид, улс эх орон, хонгор нутгийнхаа хөгжил дэвшилд үнэтэй хувь нэмэр оруулсан Хөдөлмөрийн баатар Т.Галсан, Хөдөлмөрийн баатар Ц.Шинэн болон гавьяатууд, нутгийн зон олон маань өргөн дэлгэр оролцлоо.

Хонгор нутгийн түмэн олон маань сайхан наадаарай.