Баянхонгор аймгийн Онцгой байдлын газрын Гал түймэр унтраах, аврах 16 дугаар ангийн түүхт 50 жилийн ойн нээлт хүндэтгэлийн арга хэмжээ Баганат талбайд Монгол Улсын баатар Н.Жамбаагийн хөшөөнд цэцэг өргөснөөр эхэллээ.

Түүхт ойн баярын арга хэмжээнд ОБЕГ-ын Инновацийн газрын дарга, Бригадын генерал Д.Намсрай нарын хүндэт зочид Баянхонгор аймгийн ИТХ-ын дарга Б.Батсуурь, Засаг дарга Э.Энхбат нар оролцон Онцгой байдлын үе үеийн алба хаагчдад хандан мэндчилгээ дэвшүүлэн баяр хүргэлээ.

Түүхт 50 жилээрээ Монгол Улсын баатар Н.Жамбаагийн нэрэмжит Баянхонгор аймгийн аврах 16 дугаар анги Монгол Улсын Ерөнхийлөгчийн зарлигаар Цэргийн гавьяатны улаан тугийн одон хүртлээ.