“Баянхонгор тохижилт үйлчилгээ” ОНӨТҮГ-ын хамт олон тусгай зориулалтын олон үйлдэлт автомашинтай боллоо.

Баянхонгор хотын нийтийн эзэмшлийн зам талбайн арчилгаа, цэвэрлэгээний ажлын чанар, хүртээмжийг нэмэгдүүлэх зорилгоор

2026 оны аймгийн Замын сангийн хөрөнгөөр /424.0 сая/ тусгай зориулалтын олон үйлдэлт автомашиныг “Баянхонгор тохижилт үйлчилгээ” ОНӨТҮГ-ын удирдлага, хамт олонд Засаг дарга Э.Энхбат, АЗДТГ-ын БОНХОБТХ-ийн дарга Г.Энхбаяр нар хүлээлгэн өглөө.

Тус Хово маркын автомашин нь тусгай зориулалтын тоноглолтой зам цэвэрлэгээ, цэцэг зүлэг, зам талбай услах, угаах, өвлийн улиралд халтиргаа гулгаанаас урьдчилан сэргийлэх, давс, бодис цацах, цас түрэх, арчилгаа үйлчилгээ хийх бүрэн зориулалттай.

Дээрх тусгай зориулалтын техник автомашинтай болсноор хотын нийтийн эзэмшлийн гудамж, талбайн цэвэрлэгээ, арчилгааны ажлын бүтээмж эрс нэмэгдэж, тохижилт үйлчилгээний ажилчдын ажлын ачаалал буурах юм.