Баянхонгор аймгийн Соёл урлагийн салбарт үр бүтээлтэй ажиллаж ирсэн уран бүтээлч, тэдний ард ажилладаг инженер техникийн ажилтнууд Баянхонгор аймгийн Түүхт 85 жилийн ойн өмнө хөдөлмөрөө үнэлүүллээ.

Соёл урлагийн салбарт 20 гаруй жил үр бүтээлтэй ажиллаж, 30 гаруй дууны шүлэг бичин, шүлгийн номоо хэвлүүлж, 3 удаагийн тайлан тоглолтоо хийсэн уран бүтээлч Н.Ганхүүг Соёлын тэргүүний ажилтан, аймгийн Нийтийн номын санд 15 дахь жилдээ IT инженер ажиллаж буй М.Дондовжамцыг Мэдээллийн технологийн тэргүүний ажилтан, Эрдэнэцогт сумын соёлын төвийн хөгжмийн багш М.Алтангэрэлийг Ардын авьяастан цол тэмдгээр салбар яамдаас шагнажээ.

Шагналыг Баянхонгор аймгийн Засаг дарга Э.Энхбат өнөөдөр /2026.07.23/ хүндэтгэн гардуулж, баяр хүргэлээ.