Биеийн тамир, спортын салбарт олон жил үр бүтээлтэй ажиллаж ирсэн спортын салбарынхан Баянхонгор аймаг байгуулагдсаны түүхт 85 жилийн ойн босгон дээр хөдөлмөр бүтээлээ үнэлүүлж салбарын шагналаа гардан авлаа.

Хэт холын марафон гүйлтийн төрлөөр улс, бүс, аймгийн олон төрлийн тэмцээнүүдэд тогтмол оролцож, УАШТ-нд 6 цагт 58 км гүйсэн амжилтаар П.Алтанхуяг Спортын дэд мастер цол, олс таталтын спортын дэд мастер Д.Сод-Оюун Биеийн тамир спортын тэргүүний ажилтан цол тэмдгээр шагнагджээ.

Шагналыг аймгийн Засаг дарга Э.Энхбат хүндэтгэн гардуулж, баяр хүргэлээ.