Барилгын байгууллагад олон жил идэвх зүтгэл үр бүтээлтэй ажиллаж Улаанбаатар хотод  сургууль, орон сууцны олон барилгыг чанарын өндөр үзүүлэлттэйгээр хугацаанд нь ашиглалтад оруулж хөдөлмөрийн гарамгай амжилт гаргасныг тэмдэглэж, Баянхонгор аймгийн Баянцагаан сумын уугуул Барилга, барилгын материалын үйлдвэрийн яамны харьяа Улаанбаатар хотын барилга трестийн нэгдсэн бригадын дарга Жанцангийн Ишгэнхүүд БНМАУ-ын АИХ-ын Тэргүүлэгчдийн 1974 оны 10 дугаар сарын 28-ны өдрийн 284 дүгээр Зарлигаар БНМАУ-ын ХӨДӨЛМӨРИЙН БААТАР цол олгож байжээ.