Монгол улсын Засгийн газрын Хэрэг эрхлэх газраас томилогдсон албаны төлөөлөл тус өдөр 18.00 цаг хүртэл таван сэдвээр сургалт мэдээлэл өгсөний дараа "Чадавхжуулах багц сургалт"-д хамрагдсан сумдынхан аймгийн Татварын хэлтсийн байранд очиж, стандартыг үзэж танилцсан юм. Тус байгууллага нь аймгийн Засаг даргын эрхлэх хүрээний агентлагуудын үйл ажиллагаанд 2021 оны эхний хагас жилийн байдлаарх үйл ажиллагаанд нь хийсэн Хяналт, шинжилгээ үнэлгээгээр хамгийн өндөр оноо авсан юм. Ажлын байрны нөхцөл, ажиллагсдынхаа нийгмийн асуудлыг шийдвэрлэсэн байдал, төрийн албаны стандарт шаардлагыг бусдад үлгэр дууриал болохуйцаар хангаж, ажлын байраа тохижуулсан тухайдаа Татварын хэлтсийн дарга С.Рэнцэндагва, тасгийн дарга Д.Мөнх-Эрдэнэ нар сумдын Засаг даргын Тамгын газрын дарга, мэргэжилтнүүдэд үзүүлж тайлбарлав.

 

Энэ үеэр албан өрөөний тохижилт, хөдөө сумдын татварын байцаагчдын амрах өрөө, чөлөөт цагаа өнгөрүүлэх фитнесс төхөөрөмж болон ширээний теннис бүхий заал, хүүхэд саатуулах өрөө, авто машины гараж, байцаагчдын албан, архив бичиг хэргийн өрөө бүрээ үлгэр жишээ тохижуулахад тус хэлтсийн хамт олон өөрсдийн сэтгэлээ шингээж хандсаныг ч тодотгон хэлсэн юм. 

 

Танилцуулах үзүүлэх сургуулийн төгсгөлд тус хэлтэст зочлосон "Чадавхжуулах багц сургалт"-д оролцогчдод  татварын үйл ажиллагааны талаарх мэдээлэл агуулсан иж бүрэн самбар гардуулж ажлын амжилт хүслээ.