Аймгийн төрийн байгууллагад олон жил үр бүтээлтэй ажиллаж, мэдлэг, туршлага, хөдөлмөр зүтгэлээ зориулсан ахмад ажилтнуудад салбарын болон аймгийн нэрэмжит шагналуудыг гардуулан хүндэтгэл үзүүллээ.

Шагналыг Баянхонгор аймгийн ИТХ-ын нарийн бичгийн дарга Д.Энхжаргал, аймгийн Засаг дарга Д.Мөнхсайхан нар гардуулав.

"Ардын хувьсгалын 100 жилийн ойн медаль"-иар Жанцаны Цээсүрэн, Жигмэдийн Дуламсүрэн нарыг, аймгийн ИТХ-ын “Соёрхол” одонгоор эрүүл мэндийн салбарт 20 гаруй жил эх барих эмэгтэйчүүдийн эмчээр ажилласан Чойжилжавын Ганцэцэгийг тус тус шагналаа.

Шагнагдсан ахмадууддаа халуун баяр хүргэж, эрүүл энх, урт удаан наслахын ерөөлийг дэвшүүлье.