Авто тээврийн төвийн нээлтийн үйл ажиллагаанд УИХ-ын дарга Г.Занданшатар, аймгийн Засаг дарга Г.Батжаргал, Авто тээврийн үндэсний төв ТӨҮГ-ын дарга Б.Гүрсоронзон, Нийслэлийн ЗДТГ-ын дарга Э.Содномжамц нар оролцож хүндэтгэлийн тууз хайчиллаа.

Тус төв нь автобуудал, баруун бүсийн авто оношлогоо, дулаан граж, зорчигч тээврийн үйлчилгээг нэг доор цогцлоосноороо давуу талтай. Үндсэндээ баруун аймгуудын нийтийн болон том оврын тээврийн хэрэгслүүд энэхүү төвөөр авто оношлогоогоо хийлгэх, унаа тэргээ дулаан гражид тавих, жолооч өөрөө амрах зэргээр стандарт нөхцлүүдийг бүрдүүлсэн байх юм.

Нийтдээ зорчигчдын тасалгаа, үйлчилгээ зэргээр 15 өрөө тасалгаатай тус төвөөр дамжуулан зөвхөн Баянхонгор гэлтгүй баруун аймгийн иргэд хөдөлмөрчид ая тухтай зорчих боломж ийнхүү бүрдлээ.

Зорчигч бүрийн нөхцөл аятай тухтай байж, жолооч бүрийн алтан шар зам өлзийтэй байг ээ.