Улсын хэмжээнд зудын эрсдэлийн хамгийн хүнд нөхцөлд өвөлжиж байгаа тул тохиолдож буй хүндрэл бэрхшээлтэй газар дээр нь танилцах, цаашид авах арга хэмжээний талаар санал, дүгнэлт боловсруулах зорилгоор Улсын Их Хурлын дарга Г.Занданшатар  манай аймагт ажиллаж байна. Аймгийн хэмжээнд одоогийн байдлаар 250 мянга гаруй мал хорогдоод байгаа юм. Түүнчлэн Архангай, Завхан, Сүхбаатар, Дорнод зэрэг аймгийн нутагт олон зуун малчин отроор өвөлжиж байгаа.  Засгийн газар, Улсын онцгой комисс, Хүнс, хөдөө аж ахуй, хөнгөн үйлдвэрийн яамнаас хуваарилсан өвс, тэжээл тараагдаад дуусчээ. 

 

Тэрээр хоёрдугаар сарын 04-ний өдөр Өлзийт суманд очив.  

 

Тус суманд 2016-2020 онд “Сумын төвийн шинэчлэл” төсөл хэрэгжсэн эхэлсэн. Төсөл хараахан бүрэн дуусаагүй ч иргэд ам сайтай байна. Төсөлд хамрагдаж, хашааныхаа сууцыг дулаан, цэвэр, бохир усны сүлжээнд холбосон иргэн н.Хүрэлбаатар “Манайх жилд 1.0 сая орчим төгрөгийг нүүрс, аргал, түлээний модонд зарцуулдаг байсан бол одоо сард 40 орчим мянган төгрөг төлж байна. Дулааны нэгдсэн сүлжээнд холбогдсоноор зардал бараг дөрөв дахин буурлаа. Хашаандаа хотынхноос дутахгүй тохилог орчинд амьдрах болсондоо баяртай байна” хэмээн ярьж байлаа.