(2021.03.24)  Баянхонгор аймаг хотын өнгө үзэмжийг сайжруулах, иргэдийг нийтийн тээврээр ая тухтай үйлчлүүлэхэд анхаарч автобусны буудлыг шинэчилж, нийтийн тээврийн үйлчилгээнд эко автобусны үйлчилгээг нэвтрүүлсэн. Дулааны улиралд иргэдийн нийтийн тээвэрт үйлчлэх тус автобус нь 22 хүний суудалтай.

Эко автобус нь нэг удаагийн цэнэглэлтээр 80-100 км явах хүчин чадалтай, шатахуун зарцуулдаггүй 100 хувь цахилгаан хөдөлгүүртэй бөгөөд агаар хөрс, орчны бохирдлыг бууруулж байгаагаараа онцлог. 

Өнөөдрөөс эхлэн өдөр бүр 07.30-20.00 цагийн хооронд тогтоосон маршрутын дагуу том хүнээс 300 төгрөг, хүүхдээс 100 төгрөгийн төлбөрөөр үйлчлэхийн зэрэгцээ иргэд, хүүхэд багачуудын ая тухтай зорчих орчин нөхцөлийг бүрдүүлжээ.

Ч:1 Арван Мянгат - Эрдэнэмандал 

Ч:2 Цагаанчулуут - Есөнбулаг