(2021.03.27)  Өнөөдрийн байдлаар Баянхонгор аймгийн хэмжээнд коронавирусний батлагдсан есөн тохиолдол бүртгэгдээд байгааг бид мэдээлсэн. Нөхцөл байдалтай холбогдуулан аймгийн төвд ариутгал, халдваргүйтгэлийг Мал эмнэлгийн газар, Мэргэжлийн хяналтын газар хамтран зохион байгуулж байна.

Мөн нийтийн эзэмшлийн талбайн халдваргүйтгэл хийхээр нэмэлтээр Баян-Овоо сумын 15 тоннын дүк машиныг дайчлан хүч нэмжээ.

Ийнхүү одоогийн байдлаар 120.000 мкв нийтийн эзэмшлийн зам, гудамж талбайд халдваргүйтгэл хийлээ.