Волейболын спортын мастер, багш дасгалжуулагч Д.Отгонболд агсны  нэрэмжит  U14 насны 2022 оны аймгийн аварга шалгаруулах волейболын тэмцээн Баянхонгор хотноо боллоо.

Тэмцээнд Баянхонгор аймгийн 59 баг, Улаанбаатар хотоос хоёр баг, нийт 61 багийн 600 гаруй тамирчин оролцсон байна.

Охидын 31 багаас М.Оюунтүлхүүр ахлагчтай Спортын төрөлжсөн сургалттай Эрдэнэмандал сургуулийн баг түрүүлж, Б.Ану ахлагчтай Жинст сумын баг, А.Баянбилэг ахлагчтай Баянцагаан сумын баг тус тус удааллаа.

Хөвгүүдийн 30 багаас Т.Дөлгөөнтамир ахлагчтай Шинэжинст сумын баг, н.Хангалжаргалан ахлагчтай Баянцагаан сум, Э.Амирлангуй ахлагчтай Бөмбөгөр сумын баг тамирчид эхний гурван байрт шалгарсан байна.

Тэмцээний Өсөх ирээдүйтэй тамирчдаар Б.Загдсумъяа Шинэжинст сум, Э.Өсөхбаяр Заг сум, Э.Мөнхжавхлан Бөмбөгөр сум, Б.Билэгт-Очир Баянбулаг сум, А.Амарбаясгалан Эрдэнэмандал баг, Л.Буянзаяа Бөмбөгөр сум, Д.Билгүүндалай Баянцагаан сум, Б.Ану Жинст сум нар шалгарчээ. Харин Шилдэг дасгалжуулагчаар Спортын дэд мастер М.Мөнхтулга /Эрдэнэмандал сургуулийн биеийн тамирын багш/, Б.Чимэдцэрэн /Баянлиг сумын сургуулийн Биеийн тамирын багш/ нар шалгарсан байна.